"

August 2, 2015

Nuk pati asnje incident - Habit Policia "Bravocuna"


Besojeni ose jo, por Drejtoria e Policisë së Qarkut Tiranë nuk ka evidentuar asnjë incident gjatë ndeshjes KukësLegia e Varshavës. Dje, në një komunikatë për shtyp, policia habit jo pak, kur thekson, ndër të tjera, se në asnjë moment, si para, gjatë zhvillimit të ndeshjes, nuk ka pasur asnjë problem.
Në këtë mënyrë, policia e nxjerr veten të larë, duke mos marrë asnjë lloj përgjegjësie për incidentin gjatë ndeshjes. I çuditshëm është fakti se si forcat e rendit kanë lejuar në hyrje të stadiumit që tifozët të marrin me vete sende nga më të ndryshmet, shumica e të cilave u hodhën në fushë gjatë ndeshjes në “Qemal Stafa”.

Reagimi

“Më datë 30 korrik 2015, përmes shkresave të mbërritura në Drejtorinë e Policisë së Qarkut Tiranë, se në këtë datë, ora 20:00, në Stadiumin Kombëtar “Qemal Stafa”, Tiranë, është planifikuar të zhvillohet ndeshja e futbollit ndërmjet ekipeve F.K Kukësi-Lega Varshavë (Poloni), policia mori masat e duhura për zhvillimin normal të këtij aktiviteti. Nga ana e komisariateve të policisë nr 1, 2, 3 në Drejtorinë e Policisë së Qarkut Tiranë, duke filluar nga ora 17:00, janë marrë masat paraprake lidhur me planizimin dhe vendosjen e efektivëve për çdo komisariat me detyrë dhe pozicionimi në vendet e caktuara për mbarëvajtjen e këtij aktiviteti. Fillimi i kësaj ndeshjeje futbolli vijoi normalisht, efektivët u pozicionuan në ruajtje të mjedisit përreth dhe brenda stadiumit.
Gjatë përfundimit të pjesës së parë të ndeshjes, tifozët e Kukësit u revoltuan me rezultatin, duke e kontestuar atë, dhe të ashpërsuar kanë filluar reagimin me tifozët kundërshtarë, duke tentuar të afroheshin me tribunën e tifozëve polakë. Në këtë moment, policia ka shmangur kontaktin fizik, duke i rikthyer tifozët e Kukësit në vendet e tyre. Në minutën e 52-të të ndeshjes së futbollit është parë një lojtar i shtrirë, i cili u shpreh se është goditur nga një send i pacilësuar. Nga ishte drejtimi dhe nga kishte ardhur goditja e lojtarit nuk është përcaktuar, pasi zona në të cilën lojtari u rrëzua ishte pa tifozë.
Nga ana e arbitrit u bë ndërprerja e aktivitetit sportiv dhe lojtarët u shoqëruan për në mjedisin e brendshëm nga ana e policisë pa asnjë problem. Nga ky moment e në vazhdim nuk është shënuar asnjë incident ndërmjet tifozëve apo hedhje sendesh, ndërkohë që nga ana e përfaqësuesve të futbollit u mor vendimi për pezullimin e ndeshjes. Në asnjë moment, në fillim, përgjatë dhe në fundin e këtij aktiviteti sportiv nuk është shënuar asnjë lloj incidenti, pasi policia ka qenë në gatishmëri të plotë deri në momentin që janë larguar tifozët pas vendimit për pezullim të ndeshjes sportive”. Ky ishte reagimi i Policisë së Tiranës për ato që ndodhën në ndeshjen Kukësi-Legia.

*    *    *




2 comments:

  1. SI GJITHMON POLICIA, SI KUDO.VEQ GISHTI NRYSHON HA HA HA

    ReplyDelete
  2. Policia esht me ne, policia esht me ne...

    ReplyDelete

Eng - - - Comments that are offensive, discriminatory against race, nationality, gender, religion and/or expressed in any other unlawful grounds are strictly prohibited! Thank you!
Alb - - - Ndalohen komentet me fjalë fyese, si dhe komentet që nxitin diskriminimin e përhapjen e urrejtjes mbi baza nacionale, racore, fetare dhe mbi çfarëdo baze tjetër antiligjore. Ju faleminderit!