April 8, 2016

Shqipëria nuk ekziston as si “shprehje gjeografike” (Për Donald Trump)


Ka dy ditë që shqiptarët janë nën ankthin se po u zgjodh Donald Trump president i SHBA-së, marrëdhëniet mes Shqipërisë dhe Partnerit Strategjik, do të cenohen. T’i biem shkurt dhe të sqarojmë dy momente, më saktë tre: 

Së pari, SHBA është me të vërtetë Partner Strategjik i Shqipërisë, pasi kush tjetër do duronte gomarllëqet pa kuptim që prodhon politika e këtij vend? Me siguri, një dikush i fuqishëm, si SHBA, që pikërisht pse është kaq e fuqishme, operon njësoj si Zoti dikur kur krijoi gjindjen: u engledis duke krijuar edhe Shqipërinë.

Së dyti ky përkufizim është në mos i nxituar, është shejtan budalla. Po u zgjodh Donaldi në Shtëpinë e Bardhë dhe paska këtë mendje që na thonë, Donaldi i Rrugës së Elbasanit, nuk ka çfarë të bëjë më, por të mbyllë mandatin duke shijuar dreka apo darka nëpër Shqipëri, siç bënte dikur një ish-ambasador i OSBE-së. Ne i sugjerojmë kole Përmeti dhe ndonjë peshk andej nga Divjaka. Pra presion për Donaldin e këtushëm, por edhe shpresë se kokëçarja e reformës në Drejtësi do të mbyllet me Trump’s victory. Yeah...

Së treti, ka një moment strategjik, madje -  madje psiko-strategjik që e bën shumë të vështitrë për Donald, atë të presidencialeve, që të prekë marrëdhëniet me Shqipërinë. Shikoni hartën e botës sipas Trump. Ku është Shqipëria? Ku? Asgjëkundi. Nuk është madje as si “shprehje gjeografike”. Ne jemi “Gjermania Jugore” dhe Doni i Shtëpisë së Bardhë ka vetë origjinën gjermane. Ndaj, hë hë, këto provokaciet nuk janë serioze. Kjo është harta zyrtare e Trump, por edhe në disa harta të tjera, më pak të besueshme, ne nuk figurojmë fare./ResPublica


*   *   *

“The Bearer”, sekreti i sekreteve: Ja pse Panama Papers nuk i zbulon dot të gjithë emrat


E përjavshmja italiane “L’Espresso” ka botuar të dhënat me listën e 100 emrave që kanë dalë nga skandali i “Panama Papers”

“Ja 100 emrat e parë italianë” është titulli i kopertinës së revistës duke shtuar se janë sipërmarrës, sportistë, stilistë, menaxherë, financiarë, avokatë, mafiozë, starë të botës së kinemasë e të televizionit, e të gjithë me pasuri off-shore.

“Në 40 vjet Jorgen Mossack e Ramon Fonseca, shkruan”L’Espresso”, kanë administruar krijimin e miliona shoqërive, e sot që arkivi i tyre ka përfunduar në mediat e botës, një traumë e pafundme biznesesh sekrete, bëhet papritur e dukshme në sytë e të gjithëve.”

Janë rreth 800 italianë të lidhur me këtë skandal financiar, e rreth 800 dokumenta që adresojnë emrat e tyre.

“Nuk është e lehtë, shkruan “L’Espresso”, të orientohesh mes siglave, kontratave e emaileve në vite e vite operacione sekrete.”

Por “L’Espresso” sot zbulon një tjetër fenomen të lidhur më skandalin “Panama Papers”.

The Bearer, sekretimi i sekreteve

Janë faqe e faqe dokumentash nën emërtimin “The Bearer”, që nënkupton se kapitali i shoqërisë është e bartësit të saj. Pra me shumë mundësi emri i pronarit të shoqërisë është i ruajtur në një tjetër arkiv i ndryshëm nga ai i që zotëron Konsorciumi i Gazetarëve Ndërkombëtar Invetigativ.

Ky fakt do të thotë se do të jetë e pamundur të bëhet lidhja mes shoqërisë off-shore e emrit të  pronarit të saj.

“800 italianët e lidhur me këtë skandal financiar, thekson “L’Espresso” janë emra me dokumentacion të qartë e të palidhur me termin “The Bearer”.

100 emrat e parë italianë të lidhur me skandalin “Panama Papers”

Përvec emrave të bërë publik orë më parë si Presidenti i  Shoqërisë Ajrore Alitalia, Luca Cordero di Montezemolo, stilisti Valentino e ortaku i tij, prezantuesja televizive Barbara D’Urso, aktori Karlo Verdone, ish-piloti i Formula One, Jarno Trulli, pronari i klubit sportiv Thohir, etj, revista “L’Espresso” ka publikuar sot dhe emrin e ish- kryeministrit italian Silvio Berluskoni.

File-t e arkivit të studios “Mossack Fonseca”tregojnë për një biznes të mëparshëm të Berluskonit me një shoqëri amerikane hollivudiane në blerjen e të drejtave televizive. Shoqëria amerikane “American Film Company” e krijuar më 1992 në British Vergine Islands i ka shitur të drejtat televizive të filmave “Shoëder Hunter” e “Amityville1992”, shoqërisë Principal Netëork e Berluskonit.

Gjithashtu në arkivin e “Mossack Fonseca” shfaqet korrespondenca e drejtuesve të FINIVEST, shoqëri e kompanisë “Silvio Berluscnbi Communications” me shoqërinë off-shore AFC American Film Compnay.

Sipas revistës L’Espresso” në arkivin e studios “Mossack Fonseca” shfaqet emri i sipërmarrësit të njohur të armëve Giovanni Fagioli, sipërmarrësi i petrlit Gian Angelo Petrucci, ish senatori i Forza Italia Nicoloa Girolamo, brokerat Carlo Focarelli e Marco Toseroni, financiaeri i njohur Simone Cimino, sipërmarrësit Stefano e Robetto Ottaviano etj.

“Panama Papers”dhe mafia Italiane

Revista L’Espresso” zbulon sot se në arkivin e skandalit financiar të “Panama Papers” shfaqen dhe emra të lidhur me bosat e mafias italiane si Salvatore Riina e Bernardo Provenzano, apo  vëllezërit Filipo e Giuseppe Graviano.

Në dokumentat e “Panama Papers” shfaqen emra financierësh italianë të dënuar që aministrojnë paratë e Cosa Nostras me shoqëri off-shore në ishujt Seychels, Luksemburg etj.

I tillë shtë Vito Roberto Palazzolo, riciklues i parave të Cosa Nostras jashtë kufirit italian, i cili investonte miliona dollarë në shoqëri të huaja e duke i kthyer më pas në Siçili në para të thata në dorëzim të Riina e Provenzano.


*   *   *




Kjo është shqiptarja që qëndron pas 40 hiteve botërore


Bebe Rexha: Po ju prezantojmë me femrën, e cila ka krijuar 40 hite. Edhe pse është nga Brooklyn, prindërit e saj në SHBA kanë ardhur nga Shqipëria në vitin 1980. Kështu e nis përshkrimin për këngëtaren shqiptare, Bebe Rexha, revista prestigjioze amerikan GQ.

Kjo e fundi shkruan se ajo ka pasur një fëmijëri të mrekullueshme, ndërsa ka luajtur roli të madh si kompozitore e suksesshme, duke krijuar edhe hitin e vitit 2013 të Rihannas dhe Eminem “Monster”.

Tani ajo është duke bërë hapa për të vendosur veten si një artist solo. Ndërsa së fundit ka filluar një turne me Ellie Goulding, pas suksesit me këngën “No Broken Hearts”, të cilën e solli në bashkëpunim me Nicki Minaj.

Rexha ka zbuluar për këtë revistë edhe artistët që e frymëzojnë për të krijuar hite botërore. “Kanye West, Jay Z, the Fugees, Lauryn Hill, Destiny’s Child”, ka thënë ndër të tjerash Rexha për GQ.

Ajo ka treguar se është duke punuar në projekte të reja, ndërsa është ndarë e kënaqur me bashkëpunimin me David Guettan si dhe këngëtaren Nicki Minaj, ku me këtë të fundit ka realizuar dy këngë të suksesshme.



*   *   *



Antonio Konte dëshiron Hysaj tek Çelsi, ja çfarë shkruajnë anglezët


Performanca e tij e shkëlqyer me fanellën e Napolit ka bërë që shumë skuadra gjigante në Europë të shfaqin interes për Elseid Hysaj.Diego Simeone, trajneri i Atletiko Madridit ka kërkuar të ketë në grup mbrojtësin shqiptar.

Mirëpo në pistë është shfaqur dhe trajneri Italian që do të drejtojë Çelsin, Antonio Konte.

Menaxheri i futbollistit shqiptar i cituar nga mediat spanjolle ka theksuar që Hysaj vlen për ekipe si Real Madrid, Mançester Junajtid apo Çelsi. Ndër të tjera, Giuffredi  rrëfen mundësinë e largimit të 22-vjeçarit gjatë merkatos së verës.

“Nëse Napoli do ta konsiderojë shitjen e tij mund të përfitojë një shumë të madhe. Aktualisht nuk po diskutojmë për rinovimin e kontratës sepse nuk duam të krijojmë probleme por është e qartë se vetëm 7 muaj më parë ai ishte një tjetër lojtar dhe me paraqitjet e këtij sezoni ka ndryshuar shumë. E theksoj, rinovimi nuk është prioritet. E njoh Elseidin që prej shumë vitesh dhe e dija se do të shpërthente në Napoli. Tashmë është bërë një lojtar i kalibrit të lartë dhe mendoj se është gati edhe për skuadra si Chelsea, Manchester apo Real Madrid”.

Interesi i Çelsit

Ueb-faqja angleze “Chelsea-new.co” shkruan se Antonio Konte ka interes të afrojë tek londinezët edhe mbrojtësin shqiptar, pasi është lojtari ideal për skemat e preferuara të tij 3-5-2 ose 4-4-2.

“Shqiptari ka një kontratë me Napolin që e lidh deri në vitin 2020 dhe vlera e kartonit të tij mund të variojë nga 15 deri në 20 milionë Pound. Më parë, për 22-vjeçarin kanë shfaqur interes edhe Bayern Münich, Atletico Madrid e Bayer Leverkusen”- thuhet në shkrimin për Hysaj.



*   *   *



April 5, 2016

Shqipëria e vitit 1470/Rrëfimi tronditës!


Pjesa më e madhe e Shqipërisë qendrore ishte nën kontrollin e venedikasve, përpara pushtimit otoman të shekullit të pesëmbëdhjetë. Fushatat ushtarake otomane të viteve 1466 dhe 1467 shkatërruan pjesën më të madhe të vendit. Ishte politika e sulltanit që të boshatiste vendin nga banorët vendas, nëse ata bënin rezistencë. Fior Jonima nga Shkodra, pinjoll i familjes së famshme shqiptare Jonima, që zotëronte pjesën më të madhe të tokave mes lumenjve Mat dhe Ishëm, i shkruajti këtë përgjigje autoriteteve venedikase të taksave, të cilat i kërkonin përse vallë vinin kaq pak të ardhura nga Shqipëria.

Kronologjia e shkurtër e kataklizmave që Jonima përshkruan në këtë rrëfim, tregon se në atë kohë, Shqipëria ishte një tokë e rrënuar. Eshtë rrëfimi personal më i hershëm që ka dhënë ndonjë shqiptar, në lidhje me gjendjen e vendit të tij.“Unë, Fjor Jonima, qytetar i Scutarit (Shkodrës) dhe në këto momente ambasador i këtij komuniteti, u pyeta, me urdhër të Lordit të Madhërishëm Administrator i të Ardhurave, se çfarë dija në lidhje me bëmat e turqve në këtë pjesë të Shqipërisë, për vitet 1466 dhe 1467.Mund të deklaroj se në fundin e prillit 1466, Turku i Madh erdhi në këtë vend personalisht dhë dërgoi përpara kapitenin e tij, i cili siguroi vendin dhe e plaçkiti. Ai grabiti shumë kafshë dhe rrëmbeu shumë njerëz.Kur u largua, Ballabani arriti të rrethojë Croian (Krujën). Ai gjithashtu grabiti dhe plaçkiti qytetet e Signorias, dhe rrëmbeu shumë njerëz.Pak kohë më vonë, erdhi Sinan Beu, i cili solli edhe më shumë rrënim e shkatërrim. Ai kishte rrëmbeu kafshë dhe nejrëz dhe i vuri flakën vendit.

Pas kësaj erdhi Vojvodi i Serbisë, i quajtur Amur Beu, i cili shkaktoi shkatërrim të madh. Jo vetëm që grabiti një numër shumë të madh kafshësh, por edhe ai i vuri flakën vendit dhe rrëmbeu shumë njerëz.Më pas erdhi Progon Dukagjini, i cili gjithashtu grabiti dhe i vuri zjarrin gjithçkaje që la pas.Turku i Madh u rikthye në këtë vend në vitin 1467 dhe dërgoi Pashanë e Romanias (Rumelisë) me një ushtri të madhe për ta nënshtruar. Ai grabiti, plaçkiti, dhe mori me vete një numër të pafund njerëzish. Kur kish mbaruar me grabitjet dhe plaçkitjet, ai vazhdoi në rajonin e Scutarit, ku u përplas me njerëzit. Më në fund, arriti të hyjë në qytet brenda kështjellës, të cilën e grabiti dhe plaçkiti.Më pas erdhi një vojvod i quajtur Feriz Beu, i cili gjithashtu grabiti dhe plaçkiti.

Më pas erdhi Nikolla Dukagjini, që grabiti, plaçkiti dhe rrëmbeu shumë njerëz.Pas kësaj, Vojvodi i Serbisë erdhi për herë të dytë për të vjedhur, plaçkitur dhe rrëmbyer më shumë njerëz.Më pas erdhi Vojvodi i Dibrës, që grabiti, plaçkiti dhe rrëmbeu shumë njerëz.Si përfundim, unë mund të them së në periudhën në fjalë, ky vend u kthye në një tokë të shkretë. Kështu ka mbetur deri sot. Kanë ikur jo vetëm vendbanimet, por edhe njerëzit, me përjashtim të atyre pak fshatrave që janë rindërtuar. Kështu që, do të ishte e nevojshme që të burgosurit, të cilët janë dënuar ose ndaluar, të falen dhe të rikthehen në këtë vend për ta ripopulluar atë.


*    *    *


“Politikani shqiptar me pasuri 70 milionë paund në Angli” (Video)



Gazetari Artan Hoxha, i ftuar në studion e emisionit “Opinion”, tha se gazetarë anglezë kanë rënë në gjurmët e kompanie shqiptare të regjistruar në Londër, është mbulesë e një politikani shumë të fuqishëm shqiptar, i cili ka 51 tituj pronësie, me një vlerë prej 70 milion paund, të cilat janë investuar në zonën A të Londrës, dhe këto prona janë në emrin e një shqiptari nga një rreth i veriut të Shqipërisë.


E gjithë kjo pasuri sipas gazetarit Hoxha është vënë nëpërmjet bursës së arit në vitet 2002-2003, dhe anglezëve u rezulton se ky është ar i ardhur nga Shqipëria. Ai u shpreh se ky ar mund të jetë edhe ai i vjedhur në tunelet e Krrabës.


Shiko Videon



*    *    *